Wat is die Taallimpiese Spele?
Die Taallimpiese Spele is die FAK se Olimpiese Spele vir Taal en word aangebied in die tydperk van die Olimpiese Spele, wat vanjaar in Parys, Frankryk, aangebied word. Dit sal vanaf hierdie jaar elke vierde jaar gehou word. Die doel is om pret te hê in jou taal.

Wie kan deelneem?
Enige iemand tussen die ouderdom van 7+ wat hou van ons Taal Afrikaans. Die meerderheid van die afdelings van die “spele” gaan aanlyn plaasvind, behalwe een dag waar daar ’n fisiese Afrikaansspele by die Voortrekkermonument aangebied word.

Hoe om deel te neem?
Fisiese deelname by die Voortrekkermonument op 3 Augustus 2024

  • Vul die vorm in en skryf jou span van 4-6 in vir die pret by die Voortrekkermonument self, wat op 3 Augustus gehou sal word.
  • Verskeie aktiwiteite op die dag:
  • Taal-Maal-speletjies (Skep die langste woord, Ontsyfer die letters, Spel-tel)
  • Aflos (Tydresies tussen die verskeie spanne. Items soos Huppel-oppie-stippel, Idioom-sindroom en vele meer)

Inskrywingsgelde
Ons vra geen inskrywingsgelde nie, maar is dankbaar vir elke persoon wat ’n vriend van die
FAK word en ’n maandelikse geldelike bydrae maak. Hierdie bydraes stel ons in staat om
projekte aan te pak waar ons taal, kultuur en geskiedenis bevorder word.
Maak ’n verskil, skep ’n geleentheid. Word ’n vriend van die FAK.
Klik hier of skandeer die QR-kode asb.

Beoordeling en erkenning
Fisies
Deur die dag gaan verskillende spele gespeel word. Die punte tussen die TaalMaal en die Aflos gaan bymekaar opgetel word en die wenspan word met die volgende lekker pryse beloon.

  • Taallimpiese Spele-wisseltrofee
  • 50%-afslag by die Toekomsbou-museumteater
  • Midweek by FAK Udolpho Rivierplaas, Parys, Vrystaat
  • Afslag by Skool op Wiele of Uitspan Deli

Navrae
Lieandri Ackermann by lieandri@kultuurtuiste.org.za

Vul die vorm in om jou span in te skryf!